Lecture de Christian Quinet du Mouchon d'Aunia                                Traduction en Français

Yèsse djîle, c'est foûrt maléjîle à splikî. c'est n'sakè qu'on rsint in li min-me què pou comprinde i faut l'vikî c'est come ène bèle coumére qu'on-inme. Yèsse djîle, c'est vîr s'alumer su s'visâdje quand on d'in parle à l'okâsion in soléy vudant des nuâdjes qui fé rmonter ès vwâs d'in ton. Yèsse djîle, c'est d'in tatler tout l'long d'l'anéye come souvni ou bî(n) bon à vni in buvant s'pinte après s'djournéye ou bî(n) in vacances, long dè dci. Yèsse djîle, c'est co fé s'pas à toutes les fièsses mariâdje, ducasse ou rabindlâge, c'est djwer du tambour dèssus n'drèsse yè fé mète tout l'monde à dalâdje. Yèsse djîle, c'est-in mwâs avant les soumonces aprèster chabots yè sôrot dévni co pus souyant qu'ène ronce conte tous les maus s'sougnî n d'asto. Yèsse djîle, c'est fèrtèyî pindint des smènes sakantès nutts sins pus dormi in parler tous les djoûs à scrène quand i sint l'carnèval vèni; Yèsse djîle, c'est yèsse eûreus quand tout l'famîye esst-alintour pou l'abiyî nèrveûs in ratindant l'batrîye nî(n) dmorer n'sèconde sins boudjî. Yèsse djîle, c'esst-intinde ariver l'tambour les larmes à z-îs d'sè rvîr inchène èl clarinète qui djûwe à s'tour, èl promière coupe pou prinde alène. Yèsse djîle, c'est fé s'promî(n) pas su l'kèmin comprinde què c'esst-in bia moumint l'rabindlâdje du diminche matin yè l'batrîye qui mèt l'binde in train. Yèsse djîle, c'est s'amuser pindint twâs djoûs avoû du plési pou des rî(n)s c'est l'praute qu'on conte buvant in coup yun l'aute ès fé inmarvoyî. Yèsse djîle, c'est bruler les bosses èl mardi brére èyè rire come des èfants fé rpassâdje jusqu'au mèrcrèdi ène pus minme savoû qu'on est scrand, Yèsse djîle, c'est s'kiter in s'promètant bî(n) minme si on n'sé rwât pus avant dè sè rtrouver l'anéye qui vî(n)t. èyè qu'cà seusse l'insi tous l'z-ans. Yèsse djîle, c'esst-au pus rade mète à l'cagnote pou s'sinte pus seûr dè rcouminchî il a toudis s'coeur qui clikote à l'idéye què çà sroutl'dèrnî(n). Yèsse djîle, c'est les -amitiès qu'on çà fé yè les bias souvnis qui d'in dmeure radjon-ni rî(n) qu'a i pinser savoû sou qu'çà done dè boneûr. Yèsse djîle, c'est tout çà èyè n'masse dafères i faut l'vikî pou l'comprinde avant tout c'est yèsse bon compère èyè fè partiye d'ène bone binde. Les (n) sont des n qui s'écrivent une demi ligne plus haut et se prononcent à peine.

Retour page accueil